बम थापा (सूर्यवंशी)

लण्डन । मगर संघ युके केन्द्रीय समितिले ६ जुन २०२०, शनिबारका दिनमा नेपालका विशिष्ट व्यक्तित्व र राष्ट्रियस्तरका नेपाली लोकदोहारी गायकगायिकाहरु ल्याएर आयोजना गर्ने भनिएको नेपलिज ओपन कन्सर्ट (खुल्ला सास्कृतिक कार्यक्रम) यसवर्ष स्थगित भएको छ ।

यस कार्यक्रमको प्रमुख संयोजक तथा संघका वरिष्ठ उपाधक्ष्य सीता पुनले कोरोना भाइरसबाट उत्पन्न विश्वव्यापी महामारीका कारण यस वर्षको नेपलिज ओपन कन्सर्ट स्थगित गर्नुपरेको जानकारी दिएकी छिन । उनले बृहत रुपमा बेलायतवासी नेपालीहरु भेला हुने मुख्य इभेन्ट नेपलिज ओपन कन्सर्ट स्थगित हुँदा पर्न गएको असुविधाप्रति क्षमायाचना गरेकी छिन ।

बेलायत सरकारले दुई जनाभन्दा बढी भेला हुन प्रतिबन्ध लगाएको र एक आपसमा कम्तीमा दुई मिटरको दुरी कायम गर्न निर्देशन दिएको उल्लेख गर्दै मगर संघ युकेले बेलायत सरकारको निर्देशनको सम्मान गर्न र आफ्नो ख्याल गर्न मगर संघ युकेका अधक्ष्य सुनिल रानाले सबैलाई अनुरोध गरेका छन् ।

संघका महासचिव रुद्र थापाका अनुसार, मंगलवार २४ मार्चमा बसेको अनलाइन बैठकले संघले आयोजना गर्ने नेपलिज ओपन कन्सर्ट स्थगित गर्ने निर्णय गरेको हो ।